Rusiyä Meksikağa neft cibäräçäk

Rusiyäneñ Havanadağı ilçelegene kürä, Rusiyä ozaqlamıy Kubağa neft häm neft produktları räweşendä gumanitar yärdäm cibärergä planlaştıra.

İlçelek pänceşämbe könne Rusiyäneñ "İzvestiya" gäzetına birgän intervyusında: “Ozaqlamıy Rusiyädän Kubağa gumanitar yärdäm qısalarında neft häm neft produktları cibärelüe kötelä,” — dip belderde.

Diplomatik missiya Rusiyä watandaşlarınıñ imin räweştä illärenä qaytuın täêmin itü maqsatınnan Rusiyä hawa yulı şirkäte "Aêroflot" häm Kubalı hawa transportı räsmi zatları belän daimi êlemtädä toruların belderde.

“Aêroflot” Kubadağı Rusiyä watandaşları öçen Varadero häm Havanadan Mäskäwgä êvakuaśiya reyslarınıñ oyıştırılaçağın citkerde.

Çärşämbe könne Rusiyäneñ İqtisadi üseş ministrlığı üldäge yağulıq täêminatına qağılışlı ğädättän tış xäl säbäple Rusiyä turistlarına Kubağa säyäxät itmäskä kiñäş itte häm turoperatorlar belän säyäxät agentlıklarına bilet satunı tuqtatıp torırğa çaqırdı.

Kubadağı yağulıq qıtlığı, AQŞ armiyäseneñ 3nçe ğinwarda Venesuêla däwlät başlığı Nikolas Maduronı urlawınnan häm waqıtlıça citäkçelärneñ utrawğa ênergiya resursların cibärügä kirtä quyuınnan soñ tağın da tiränäyde.

Venesuêla êlektän Kubağa neft êksportlawçı illärneñ berse ide.