AQŞ berlektäşläreneñ Fälästinne tanuın performativ adım dip bäyäläde
Vaşington totıqlarnı azat itü häm İsrailneñ iminlegen täêmin itü nigeznamäläre belän, berlektäşlärennän yıraqlaşıp, İsrailğa bulğan yaqlawın ike tapqırğa köçäytte.
Amerika Quşma Ştatları Britaniya, Avstraliya häm Kanada kebek töp ittifaqçılarnıñ Fälästin däwläten tanuların "performativ" dip bäyäläde.
Amerika Quşma Ştatları Angliya, Avstraliya häm Kanada kebek möhim berlektäşläreneñ Fälästin däwläten tanuların performativ adım dip atadı.
AQŞ däwlät departamentı süzçese yäkşämbe könne isemen äytmäw şartı belän yasağan belderüendä:
"Bezneñ iğ’tibarıbız citdi diplomatiyäga yünältelgän. Bezneñ prioritetlarıbız bilgele : totıqlarnıñ azat itelüe, İsrailneñ iminlege häm böten töbäk öçen tınıçlıq häm alğarış", – dip cawaplılıqnı “Xamas”qa yökläde.
Bu belderü şul uq könne Angliya, Kanada, Avstraliya häm Portugaliyäneñ Fälästinne räsmi tanularınnan soñ yasaldı.
Angliya prem’yer-ministrı Kir Starmer: "Yaqın Könçığışta könnän -kön arta barğan qotoçqıç xällär qarşında tınıçlıq häm ike däwlätle çişeleş mömkinlegen saqlap qalu öçen êşkä kereşäbez", – dide.
Kanada prem’yer-ministrı Mark Karni isä: "Bez Fälästin däwläte öçen dä, İzrail däwläte dä öçen tınıç kiläçäk tözü öçen partnyerlıq täq’dim itäbez", – dip belderde.
Bıyılğı BMO ğomum şurası waqıtında Franśiya, Bel’giya, Lyuksemburg, Mal’ta, Andorra häm San - Marinonıñ da Fälästinne tanuları kötelä. Bu xäl İzrailne dä, çitlätep bulsa da AQŞnı da izolyaśiyälärgä mömkin.
İzrailneñ reakśiyäse
Bin’yamin Netan’yaxu AQŞtan qaytqaç İzrailneñ reakśiyäsen açıqlayaçağın belderde. Ul AQŞta ilbaşı Donal’d Tramp belän oçraşırğa niyätli.
Netan’yaxu belderüendä: "Minem sezgä tağın ber xäbärem bar: bu bulmayaçaq. Yordan yılğasınıñ könbatış yarında Fälästin däwläte tözelmäyäçäk", – dide.
Çiktän tış uñçı Milli iminlek ministrı Itamar Ben-Gvir İzrail xökümätenä basıp alınğan Yordannıñ könbatış üzänlegen annekśiyälärgä häm Fälästin idaräsen tulısınça izärgä çaqırdı.
Ben-Gvir X sośial çeltärendä yasağan belderüendä Yordannıñ könbatış üzänlegen annekśiyäläw öçen täq’dimne kiläse kabinet cıyılışında täq’dim itäçägen äytte.
BMO äğ’zası illäreneñ yaqınça dürttän öçe xäzerge waqıtta Fälästinne tanıy. İrlandiya, İspaniya häm Norvegiya isä uzğan yıl Fälästinne räsmi räweştä tanığannar ide.