AQŞ ilbaşı Donal’d Tramp İzrailneñ Ğazzägä ike yıl däwam itkän suğışınnan soñ AQŞ tarafınnan koordinaśiyälängän Xalıqara totrıqlılıq köçeneñ bik yaqında Ğazzädä urnaşuın kötüen belderde.
Pänçeşämbe kiçen Urta Aziyädäge 5 il däwlät başlıqları belän Aq Yortta ütkärelgän çarada Tramp Ğazzädä urnaşuı kötelgän küp millätle missiyägä qağılıp:
“Bu bik yaqında bulaçaq. Ğazzädä barısı da bik yaxşı bara,” — dip äytte.
AQŞnıñ BMO wäkilçelege çärşämbe könne yasağan belderüendä AQŞnıñ Trampnıñ 20 maddädän torğan Ğazzä tınıçlıq planın xuplaw maqsatında Xalıqara totrıqlılıq köçenä röxsät birüne dä üz êçenä alğan BMO İminlek şurası proyektın partnyer illärgä täq’dim itüen belderde.
AQŞ wäkilçelege süzçese AQŞ ilçese Mayk Waltznıñ proyektnı İminlek şurasınıñ 10 saylanğan äğ’zasına häm Törkiyä, Mısır, Qatar, Berläşkän Ğaräp Ämirlekläre häm Soğud Ğaräbstanı kebek berniçä regional’ partnyerğa citkerüen belderde.
Proyektnı tawışqa quyu köne älegä bilgele tügel.
