AQŞ yaqınça 100 iranlını üz illärenä kire cibärgän
Räsmi zatlar İran watandaşlarınıñ AQŞ oçqıçı belän kire cibärelüen raslağan.
AQŞ yaqınça 100 iranlını üz illärenä kire cibärgän / AP
“The New York Times” gazetınıñ sişämbe könge xäbärenä qarağanda, Amerika Quşma Ştatları yaqınça 100 iranlını İranga deportaśiyälägän.
İran räsmi zatları beldergänçä, AQŞ arendalağan oçqıç düşämbe könne Luizianadan quzğalıp kitkän häm anıñ sişämbe könne Qatar aşa İranga barıp citüe kötelä.
Gazet yazğança, älege iranlılarnıñ kem buluları häm AQŞqa küçenergä tırışu säbäpläre isä tögäl bilgele tügel.
Aq Yort häm AQŞ däwlät departamentı “Reuters”nıñ añlatma taläbenä älegä qadär cawap birmägän.