Süriyä Yaña yıl bäyräme waqıtında Xäleb şähärendä “DEAŞ”nıñ terrorçı planınıñ barıp çıqmawın belderde.

Êçke êşlär ministrlığı pänceşämbe könne yasağan belderüendä “DEAŞ”nıñ  töp maqsat Xäleb bulu belän bergä berniçä vilayät’tä Yaña yıl bäyrämnäre waqıtında intixar höcümnäre planlaştıruları turında mäğ’lümat aluların citkerde.

Ministrlıq mäğ’lümatqa terrorçılıqqa qarşı köräş çaraları, “DEAŞ” nı centekläp küzätü häm terrorçılıqqa qarşı köräş operaśiyälärendä qatnaşqan urtaq oyışmalar belän küzläw xezmättäşlege näticäsendä ireşülären belderde.

Belderüdä äytelgänçä, ministrlıq bu mäğ’lümattan soñ qurqınıçsızlıq çaraların arttıra.

Çärşämbe kiçendä Xälebneñ Bab äl-Faraj cirlegendäge kontrol’ punktında  xezmätkärlär şikle ir -atnı totqarlıy. Soñraq anıñ “DEAŞ” äğ’zası buluı açıqlana.

Belderüdä äytelgänçä, xezmätkärlär anıñ kemlegen açıqlarğa tırışqanda şikle şäxes ut aça häm 1 poliśiya xezmätkären üterä.

Annarı şartlatqıç şartlatıp,  saq astına alırğa tırışqan 2 poliśiya xezmätkären yaralıy.

Ministrlıq üz xezmätkärläreneñ Yaña yıl bäyräme waqıtında tınıç xalıqnı maqsat itep alğan terror planın buldırmıy qaluda xälitkeç rol’ uynawın belderde.