İlbaşı idaräseneñ êlemtä räislege tarafınnan irtägä Üzbäkstan başqalası Taşkentta "Törki dönya dialogları: urtaq kiläçäk, urtaq küzallaw" isemle panel ütkäreläçäk.
Êlemtä räislegennän yasalğan belderügä kürä Törki däwlätlär oyışmasınıñ 13 nçe Däwlät häm xökümät başlıqları sammitı 29-30 oktäbr könnärendä başqala Änkarada uzaçaq.
Sammittan alda Törki däwlätlär oyışması äğzase bulğan häm küzätüçe illärdä "Törki dönya dialogları: urtaq kiläçäk, urtaq küzallaw" isemle panel seriyası ütkärelä.
Bu qısada panel seriyaseneñ öçençese irtägä Üzbäkstan başqalası Taşkentta çınğa aşaçaq. İlbaşı idaräseneñ êlemtä räislege başlığı Burhanettin Duran da qatnaşuçılarga video xäbär arqılı möräcäğät itäçäk.
Törki däwlätlär oyışmasınıñ töbäk häm global masştabta kürenüçänlegen arttıru, törki dönyasınıñ urtaq küzallawın törle cämäğatçelekkä citkerü häm illär arasında akademik, mädäni häm sośial xezmättäşlekne nığıtunı maqsat itep quyğan panel programması şulay uq Änkarada uzaçaq 13nçe Törki däwlätlär oyışması sammitına qarata kötkännärne dä yaqtırtaçaq.
