Kanada prem’yer - ministrı Mark Karni çärşämbe könne Toronto şähäreneñ tön’yağında möselman ir-atqa başqarılğan näfrät höcümen gäyepläde.

“Ütkän ayda Markem şähärendä möselman ir-atqa yasalğan höcüm — qurqınıç waqıyğa” dip yazdı Karni AQŞta urnaşqan X sośial platformasında häm
“Qöç qullanu häm İslamofobiya ğamällärenä Kanadada urın yuq. Cinayät’çelärne xökemgä tartu öçen êşlägän räsmilärgä tulısınça yaqlaw kürsätäm” dide.

Sentyabr’ axırında Torontoğa bäyle Markem töbägendäge qunaqxanädä tönge mödir bulıp êşläwçe 54 yäş’lek möselman ir -atqa ike qunaqxanä kliyentı anıñ milläte häm dine turında sorawlar sorağan.

Şunnan soñ kliyentlarnıñ berse qunaqxanädän çığa, ämma berazdan kire qaytıp, “min möselman” dip cawap birgän qunaqxanä xezmätkärenä höcüm itä.

 Höcüm näticäsendä möselman xezmätkär gomer buyına qalırıq yaralar ala.

Waqıyğadan soñ cirle poliśiya “Näfrät cinayät’lären kisätü bülege Markem şähärendä qunaqxanä xezmätkärenä qarata näfrät höcüme näticäsendä Torontoda yäşäwçe ber keşegä ğayepläw belderde” dip belderü yasadı.

Poliśiya beldergänçä, höcümçe - 31 yäş’lek Giitansan Srirancan, ul qorbannı üteräçägen äytep, anı bülmägä qadär quıp barğan häm qıynağan.

Ontario vilayäte prem’yer-ministrı Dog Ford ta höcümne gäyepläp, anı qabul itep bulmaslıq dip atadı häm X platformasında bolay dip yazdı:
“Vilayät’ xökümäte Ontario möselman cämğıyäte belän bergä häm İslamofobiyanıñ bar törenä qarşı daimi köräşäçäk”.