Törkiyä ilbaşınıñ xäläl cefete Äminä Ärdoğan: “Törkiyä tınıçlıqqa, ğadellekkä häm mullıqqa iltkän yulnıñ ğailä aşa uzuına ışana”, – dip belderde.

Ul düşämbe könne Törkiyäneñ “NSosyal” platformasında yasağan belderüendä ğailäneñ cämğıyät’neñ töp berämlege genä tügel, ä totrıqlı sośial’, iq’tısadıy häm mädäni üseşneñ töp êlementı buluın belderde.  

Ul bu atnada N’yu - Yorkta BMO ğomum şurası çaraları qısasında Törkiyä ğailä häm sośial’ xezmätlär ministrlığı oyıştırğan “Bergä tağın da yaxşıraq: ğailä nigezendäge global’ teläktäşlek” programmasında qatnaşuınnan bik qanäğat’ buluın citkerde.

Programma barışında ğailäne saqlaw häm nığıtuğa qağılışlı urtaq êşçänleklär qaraluın äytte.

“Ğailägä bäyle yünäleşlärneñ xalıqara xezmättäşlekne niçek nığıta aluın, cämğıyät’ totrıqlılığına niçek öleş kertä aluın häm cirledän global’gä äwerelderüçe köç bularaq niçek xezmät itä aluı turında söyläştek”,– dip östäde Ärdoğan.

Äminä Ärdoğan krizislar, bäreleşlär häm fäläkätlär külägäsendä bezneñ öçen yul kürsätüçe xaqıyqat’neñ, teläktäşlekneñ ğailädän başlanuın belderde.

“Ğailäne niqadär saqlıy, nığıta alsaq, şulqadär ğadel, şulqadär tınıç häm şulqadär imin, bäxetle dön’ya buldıra alabız”,– dip östäde Ärdoğan.

Ul şulay uq bu yünäleştä äytelgän här fiker häm täq’dimneñ ğailäne saqlaw öçen global’ adımnarga ilham biräçägenä ışanuın da citkerde.