Törkiyä Cömhüriyäte ilbaşı urınbasarı Cäwdät Yılmaz Törkiyäneñ saqlanu sänäğate ölkäsendä berqayçan da kiregä adım yasamayaçağın belderde.
Törkiyä Böyek Millät Mäclesendä çığış yasağan Yılmaz Törkiyäneñ saqlanu sänäğatenä zur iğ’tibar birüne däwam itäçäklären assızıqladı.
Yılmaz NATO äğ’zaları yıllıq milli tulayım tabışlarınıñ 5%ın saqlanu çığımnarına yünältü maqsatı quyğan, Awrupa Berlege “SAFE programması” iğ’lan itkän häm geosäyäsi qurqınıçlar artqan bügenge dön’yada Törkiyäneñ tıyıp toruçı köç bulırğa häm saqlanu sänäğaten üsterergä tiyeşlegen assızıqladı.
“Törkiyä härwaqıt diplomatiyäne, tınıçlıqnı berençe urınga quyğan däwlät. Monıñ iñ açıq ürnäge — Ğazzädän Qarabaxqa, Ukrainadan Somaliga, Êfiopiya mäs’äläsenä qadär küp kenä ölkädä diplomatiyäne häm tınıçlıqnı berençe planda tota”,- dide ul.
İlbaşı urınbasarı bolay dide: “Läkin bez şunı da öyrändek — küpme genä xaqlı bulsağız da, köçle bulmasığız, bu dön’yada başqalarnıñ märxämätenä ışanıp yäşi almassız. Ğazzädä dä monı kürdek. Bez ber ük waqıtta köçle dä, xaqlı da bulaçaqbız. İkesen dä êşlärgä tiyeşbez häm Törkiyä Cömhüriyäte bularaq bez monı başqaraçaqbız”.
