Paqıstan iminlek köçläre düşämbe könne Bälücistannıñ kön’yaq-könbatışında tağın 22 suğışçını üterülären belderde.

Räsmi zatlar beldergänçä, 4 kön däwam itkän xärbi operaśiyädä ülüçelär sanı 177 gä citkän.

İsemen äytmäw şartı belän “Anadolu” agentlığına mäğ’lümat birgän qurqınıçsızlıq wäqalätlese bu soňğı ülemnärneñ şimbä könne Bälücistannıñ 12 urınına ber ük waqıtta yasalğan höcümnärdän soñ başlatılğan häm äle dä däwam itkän iminlek operasiyäse waqıtında buluın äytte.

Räsmi zatlar süzlärençä, tınıç xalıqtan 31 keşe häm 17 iminlek xezmätkäre hälaq bulğan älege höcümnär öçen cawaplılıqnı Tıyılğan Bälucistan Azatlıq armiyäse üz östenä alğan.

Operaśiyälär comğa könne başlanğan häm kiñ qolaçlı iminlek çaraları belän bergä alıp barıla.

Mobil’ häm internet xezmätläre provinśiya başqalası Kvettada häm berniçä rayonda tuqtatılğan, Paqıstannıñ başqa töbäklärenä poezd xezmäte soñğı öç kön däwamında tuqtağan.

Älege kiyerenkelek ildä suğışçılar köç qullanuınıñ kiñ külämle artuı belän bäyle.

Düşämbe könne bastırılğan mäğ’lümatlarğa qarağanda, bäreleşlär belän bäyle ülem oçraqları ğıynvarda dekabr’ belän çağıştırğanda 43%qa  artqan.

Paqıstan Konfliktlar häm iminlek tikşerenüläre institutı mäğ’lümatlarına qarağanda, uzğan ayda 361 keşe hälaq bulğan: alarnıñ 242se suğışçı, 73e tınıç xalıqtan, 46sı iminlek xezmätkäre. Şulay uq kim digändä  135 keşe yaralanğan.

Ğıynvarda ildä 87 terror höcüme terkälgän, bu dekabr’ belän çağıştırğanda 28%qa artunı kürsätä.

Alarnıñ 27se Bälücistanda bulğan, faydalı qazılmalarğa bay bu provinśiya ay başında çağıştırmaça tınıç bulsa da operaśiyälärneñ töp mäydanına äylängän.