Smotriç Trampnıñ planın kire qaqtı: AQŞ citäkçelegendäge koordinatsiyä üzägeneñ yabıluın taläp itä
Tanılğan İzrail ministrı Misır häm Britaniya kebek "doşman illärneñ" AQŞ citäkçelegendäge koordinatsiyä üzägennän çığarılırğa tiyeşlegen äytä.
İzrail matbuğatı yazğança, İzrailneñ çiktän tış uñçı finans ministrı Bezalel Smotriç qamalış astındağı Ğazzä öçen AQŞ ilbaşı Donald Tramp täqdim itkän plannı ğamäldän çığarırğa çaqırdı häm, fälästinlelärne yäşägän urınnarınnan mäcbüri räweştä küçerep, töbäktä İzrailneñ kilep urnaşuçıları öçen yaña toraq punktlar qorıluın taläp itte.
Bezalel Smotriç, şulay uq, düşämbe könne Ğazzädäge AQŞ citäkçelegendäge koordinatsiyä üzägeneñ yabıluın häm Misır belän Britaniya kebek doşman illärneñ üzäktän çığarılulın teläde.
Xäbärgä kürä, Smotriç: "Ğazzä bezneke häm anıñ kiläçäge barlıq keşenekennän dä kübräk bezneñ kiläçäkkä täêsir itäçäk", — dide.
"İlbaşı Trampqa anıñ planınıñ İzrail däwläte öçen naçar buluın añlatırğa häm plannı ğamäldän çığarırğa tiyeşbez", — dide ministr.
Ul, şulay uq, Trump planınıñ tormışqa aşırıluın küzätüçe, könyaktaraq urnaşqan Kiryat Gat awılındağı grajdanlıq-xärbi koordinatsiyä üzägeneñ yabıluın da taläp itte.
Bu üzäk oktyabr’ ayında AQŞnıñ Üzäk komandalığı (CENTCOM) tarafınnan qorıldı häm distälärçä il belän xalıqara oyışma wäkillären üz êçenä ala.
Smotriç ,monnan tış, İzrail Fälästin yağına kontrol’ itkän Räfax çik buyı noqtasınıñ yañadan açıluın häm Ğazzädäge fälästinlelärneñ "kitü häm başqa urında kiläçäk êzläwlärenä" röxsät birelüen taläp itte.