Misır belän AQŞ Ğazzäne yañadan torğızu turında söyläşülär alıp bara

Misır tışqı êşlär ministrı Bädir Abdulati äytüençä, Qahirä AQŞ belän İzrailneñ töbäktä ike yıl däwam itkän genośid xarakterındağı suğışınnan soñ Ğazzäne yañadan torğızu öçen ütkäreläçäk xalıqara konferenśiya turında kiñäşläşä.

Abdulati sişämbe könne Berlinda alman wazıyfadaşı Yoxann Vadeful belän oyıştırılğan urtaq matbuğat oçraşuında, konferenśiya datasın bilgeläw öçen Vaşington belän söyläşülärneñ däwam itüen häm anı Misır belän AQŞ bergä citäkläyäçägen äytte.

Misır ministrı bolay dide:”Yordannıñ könbatış üzänlegendäge wäzğıyät’, bigräk tä bu töbäktäge qanunsız kilep urnaşuçılar ğayepsez tınıç xalıqqa qarata alıp barğan  terror êşçänlege isäpkä alınğanda, Ğazzädäge kebek ük naçar”.