Ukraina prem’yer-ministrı urınbasarı Oleksey Kuleba beldergänçä, Ukrainanıñ Qara diñgez yarındağı Odessa portlarınıñ bersenä Rusiya pilotsız oçu apparatları höcüme näticäsendä 1 keşe hälaq bulğan, 6 keşe yaralanğan.

Kuleba comğa könne “Telegram” akkauntında yasağan belderüendä: “Rusiya port häm timer yul infrastrukturasına köçle höcümnär oyıştırdı”,- dide.

Ul höcüm näticäsendä ber êşxanäneñ infrastrukturası, aşlama skladları, yök vagonnarı häm başqa transport çaralarınıñ zıyan kürüen, waqıyğanıñ yanğınğa kiterüen citkerde.

Ukraina prem’yer-ministrı urınbasarı portnıñ isemen äytmäde.

 Odessa şähäre tiräsendäge häm Qara diñgez yarındağı öç porttağı qorılmalar yış qına höcümgä duçar bula.

Odessa ölkäse gubernatorı Oleg Kiper töbäktäge ênergetika, sänäğat’ häm toraq infrastrukturasınıñ da höcüm maqsatında buluın äytte.

Kiper êlegräk höcümneñ êlektr, cılıtu häm su belän taêmin itüdä zur özekleklär tudıruın belderde.

Kuleba isä Dnepropetrovsk ölkäsendäge timer yul infrastrukturasına da höcüm yasaluın citkerde.