İran däwlät mäğlümat çaraları beldergänçä, ilneñ üterelgän dini liderı Ali Xamänäi öçen 4–9 iyül’ könnärendä cenaza märasimnäre ütkäreläçäk.

Programma qısalarında 4–5 iyül’dä başqala Tähranda xuşlaşu çarası uzaçaq. Cenaza märasimnäre isä 6 iyül’dä Tähranda, 7 iyül’dä Kum şähärendä oyıştırılaçaq.

Xamänäi 8 iyül’dä Mäşhädtä uzaçaq cenaza märasimennän soñ 9 iyül’dä İmam Rıza törbäsendä cirlänäçäk.

Ali Xamänäi 28 fevral'dä İranğa qarşı başlanğan AQŞ–İzrail höcümnärendä üterelde. Höcümnärdä şulay uq küp sanda yuğarı däräcäle İran xärbi citäkçeläre häm xökümät wäqalätleläre dä hälaq buldılar.

Paqıstannıñ aradaşçılığı näticäsendä ireşelgän utnı tuqtatu kileşüe 8 aprel'dä ğamälgä kerde, ä tağın da kiñräk kileşügä ireşü öçen alıp barılğan êşçänleklär şul waqıttan birle däwam itä.