İran inqıylab saqçıları 3 AQŞ bazasına höcüm itüen belderde, Netan’yaxuğa yanadı
İnqıylab saqçıları Netan’yaxuğa , ägär ul äle dä isän bulsa, höcümne däwam itäçäklären belderde.
Yarım räsmi “Fars” agentlığı xäbär itüençä, İran inqıylab saqçıları yäkşämbe könne yasağan belderüendä töbäktäge 3 Amerika Quşma Ştatları hawa bazasına raketalar häm pilotsız oçu apparatları belän höcüm yasawın iğ’lan itte.
“Fars” citkergän belderüdä İran inqıylab saqçıları armiyäse Ärbildäge Äl - Xärir hawa bazasındağı AQŞ köçläreneñ cıyılu üzägenä höcüm itüen, ä Kuveyttağı Ali Äs- Salem häm Arifcan bazalarına köçle İran raketaları häm pilotsız oçu apparatları belän höcüm itüen citkerde.
Belderüdä äytelgänçä, bu höcümnär İrandağı sänäğat’ töbäklärendä êşläwçe êşçelärneñ üterelüenä cawap bularaq ütkärelgän “Çın wäğ’dä 4” operaśiyäseneñ 52 nçe dulqınınıñ ber öleşe.
İran inqıylab saqçıları armiyäse üz belderüendä İzrail prem’yer-ministrı Bin’yamin Netan’yaxuğa yanadı.
“Ägär ul äle dä isän bulsa, bez anı êzärlekläwne däwam itäçäkbez häm bar köçebez belän üteräçäkbez” diyelde belderüdä.
Êlegräk İzrail prem’yer-ministrı ofisı “Anadolu” agentlığına yasağan belderüendä, AQŞ häm İzrail höcümnärenä İrannıñ cawabı waqıtında Netan’yaxunıñ üterelüe turındağı xäbärlärneñ yalğan xäbär buluın häm häm prem’yer-ministrnıñ yaxşı xäldä buluın beldergän ide.
İzrailneñ 12 nçe kanalı xäbärlärenä qarağanda, İrannıñ soñğı ballistik raketa höcümennän soñ Xolon şähärendä 2 keşe ciñelçä yaralanğan.
Amerika Quşma Ştatları belän İzrail 28 fevral’dä İranğa qarşı urtaq höcüm başlağannan soñ töbäktäge kiyerenkelek bik tiz arttı.
Bu höcümnärdä kim digändä 1.300 keşe hälaq buldı; alar arasında İrannıñ ul waqıttağı dini liderı Ali Xämänäi dä bar.
Tähran isä moña cawap itep İzrail, Yordaniya, Ğıyraq häm AQŞ xärbi köçläre urnaşqan qayber Farsı qultığı illärenä pilotsız oçu apparatları häm raketalar belän höcümnär oyıştırdı.
Bu höcümnär ülemnärgä häm infrastrukturağa zıyan kiterde, şulay uq global’ bazarlarğa häm aviaśiyägä dä täêsir itte.