12 säğät êlek
AQŞ Saqlanu xezmättäşlege agentlığı (DSCA) xäbärenä kürä, AQŞ däwlät departamentı çärşämbe könne Hindstanga 93 million dollarlıq “Javelin” tankqa qarşı raketa sistemasın häm “Excalibur” artilleriya snaryadların satunı rasladı.
Bu Hindstan öçen Vaşingtonnıñ tışqı xärbi satular programması buyınça avgusttan soñğı berençe satıp alu. İke il arasındağı bäyläneşlär avgustta bozıldı. İlbaşı Donald Tramp ul çaqta Hindstan tovarlarına salımnarnı 50%ka arttırdı. Bu Yaña Delhineñ Rusiyädän neft satıp aluına cäza bularaq qaraldı.
AQŞ Saqlanu xezmättäşlege agentlığı citkergänçä, Hindstan xökümäte 216 “Excalibur” taktika snaryadın häm 100 berämlek “Javelin” sistemasınıñ satıp alu teläge beldergän.
