Tramp Kolumbiyä häm Petronı kisätte
Kolumbiyä däwlät başlığı Petro isä Trampnı, yala yağuı öçen, AQŞ mäxkämäsenä şiqayät itäçägen belderde.
AQŞ ilbaşı Donald Tramp Aq Yortta jurnalistlarğa yasağan belderüendä Kolumbiyäneñ narkotiklarnıñ qanunsız äyläneşendä qatnaşuı belän bäyle ğayepläwlär arqasında "bik citdi çaralar" kürelergä mömkin buluın belderde.
Tramp çärşämbe könne Aq Yortta jurnalistlar qarşında bolay dip söyläde: "Ul (ilbaşı Gustavo Petro) bandit häm naçar keşe. Ul bik küp narkotik citeşterde. Bügennän Kolumbiyägä barlıq tüläwlärne tuqtattıq".
Tramp Petronıñ üz ilenä bik naçar xezmät itüen äytte häm Kolumbiyada kokain fabrikaları buluın alğa sörep:"Bez aña häm ilenä qarşı bik citdi çaralar küräçäkbez. Ul üz ilen ülem tozağına alıp bara," dide.
"Min üz-üzemne yaqlayaçaqmın"
Trampnıñ bu süzlärennän soñ uq Petro cawap birde häm AQŞ ilbaşınıñ ğayepläwlärenä qarşı AQŞta xoquqıy yul belän üzen yaqlayaçağın belderde.
Ul “X” platformasında: "AQŞtağı yuğarı däräcäle räsmilärneñ miña yala yağuına qarşı Amerika advokatları belän AQŞ xoquq sistemasında üzemne yaqlayaçaqmın,"-dide.
Petro, şulay uq, Kolumbiyäneñ narkotiklar säwdäsenä qarşı köräşkä yardäm itärgä äzer buluın äytte, ämma bu yardäm AQŞ xalqınıñ teläge bulğan oçraqta ğına.
"Bez narkotiklar säwdäsenä qarşı köräşne yardämebezne telägän däwlätlär belän bergä alıp baraçaqbız" -dide Kolumbiya däwlät başlığı.