Törkiyä ilbaşı Räcäp Täyyip Ärdoğan Awrupa Berlege delegaśiyäse belän Koreya, Kuveyt, Malayziya häm Mongoliya  ilçelären qabul itte.

İlbaşı rezidenśiyäsendä uzğan qabul itüdä Awrupa Berlege  delegaśiyäse tulı wäqalätle ilçese Ayvo Orav, Koreya Cömhüriyäte ilçese Sukjong Boo, Kuveyt ilçese Möhämmäd Märzuq Salman Äl-Şabo, Malayziya ilçese Adlan Mohd Shaffieq häm Mongoliya ilçese Oçir Lxagvasuren Törkiyä ilbaşı Räcäp Täyyip Ärdoğanğa üzläreneñ ışanıç xatların tapşırdılar.

İlçelek xezmätkärlären häm ğailä äğ’zaların täq’dim itkännän soñ, ilçelär Ärdoğan belän istälekkä  fotoräsemgä töştelär.

Annarı  ilbaşı Ärdoğan ilçelär belän ayırım-ayırım oçraşular ütkärde.