Törkiyäneñ tışqı êşlär ministrı Xaqan Fidan Azärbaycan häm Qatarlı wazıyfadaşları belän töbäktäge täraqqıyätlärne qaradı.
Diplomatik çığanaqlarğa qarağanda ministr Fidan comğa könne Qatar premyer-ministrı häm tışqı êşlär ministrı Möxämmäd bint Abdurraxman Äl Sani häm Azärbaycan tışqı êşlär ministrı Cäyxun Bäyrämov belän telefonan söyläşülär ütkärde.
Söyläşülärdä ministrlar Törkiyägä taba atılğan raketalar belän bäyle teläktäşlek häm yärdäm yullamaların da citkerde.
Milli saqlanu ministrlığı êlegräk yasağan belderüendä, İrannan atılıp Тörkiyä hawa kiñlegenä kergän ballistik snaryadnıñ Könçığış Urta diñgezdä urnaşqan NATO hawa häm raketa saqlanu sistemaları tarafınnan täêsirsez xälgä kiterelüen citkergän ide. Monıñ, AQŞ-İzrail İranğa qarşı alıp barğan suğış başlanğannan birle küzätelgän öçençe waqıyğa ikäne belderelde.
İzrail häm AQŞ 28nçe fevral’dä İranğa qarşı urtaq höcüm başlattı. Höcümnärdä şuşı waqıtqa qadär, aralarında İran dini liderı Ali Xamanei dä bulğan yaqınça 1300 keşeneñ hälaq buluı xäbär itelde.
Tähran citäkçelege isä cawap itep İzrail, Yordaniya, Ğıyraq häm AQŞ xärbi köçläre bulğan Farsı qultığı illären maqsat itep alğan keşesez oçu apparatları häm raketa höcümnäre oyıştırdı. Bu höcümnärdä keşelär hälaq buldı, grajdanlık infrastrukturağa da zarar kiterelde.
