İzrail matbuğatında urın alğan xäbärlärgä qarağanda, ofitserlar häm ğaskärilärneñ kitü turındağı ğarizaları kisken artqannan soñ ilneñ armiyäse “xezmätkärlärneñ massaküläm wazıyfasın taşlawı” ixtimalı turında kisätte.

“Yedioth Ahronoth” gazetı yözlärçä keşeneñ xezmättän kitü öçen möräcäğat itüe turında yaza. “Xäzergä qadär daimi ğaskärlärdä xezmät itüçe ofitserlar häm serjantlardan üz waqıyfalarınnan azat itüne sorap yaqınça 500 ğariza alınğan” diyelä xäbärdä. Xälne kritik noqtağa citkän “xezmätkärlär krizisı” bularaq bäyälilär.   

Gazet yazğança, armiyä daimi ğaskärlärdä xezmät itüçe xärbilärdän ğarizalarnıñ artaçağın farazlıy. Xäbärdä Knessetnıñ ofitserlar häm ğaskärilärneñ pensiyäsen 7-11%qa arttırunı küzallawçı qanun tözätmälären älegä raslamawı, bu kiçegüneñ dä qanäğatsezlekne üsterüe belderelä.

Gazet kitü turındağı ğarizalarnıñ kübräk tübän xezmät xaqları, Ğazzädäge suğışta aru häm yuğaltular belän bäyle buluın yaza.