Venesuêla ilbaşı wäkile Delsi Rodriges Törkiyä ilbaşı Räcäp Täyyip Ärdoğannıñ çaqıruı belän Törkiyägä kilde.

Ärdoğan Venesuêla ilbaşı wazıyfasın başqaruçı Rodriges belän ilbaşı idaräseneñ İstanbuldağı Dolmabahçä ofisında oçraştı.

Oçraşuda Törkiyä ilbaşı urınbasarı Cäwdät Yılmaz, tışqı êşlär ministrı Xaqan Fidan, ênergetika häm tabiği çığanaqlar ministrı Alparslan Bayraktar, sänäğat häm texnologiyälär ministrı Mäxmät Fatix Kacır, säwdä ministrı Ömär Bolat, ilbaşı idaräseneñ êlemtä bülege başlığı Burxanettin Duran, şulay uq Törkiyä ilbaşınıñ tışqı säyäsät häm qurqınıçsızlıq baş kiñäşçese Akif Çağatay Qılıç ta qatnaştı.

Oçraşu barışında Törkiyä–Venesuêla ike yaqlı mönäsäbätläre häm global’ waqıyğalar qaraldı.

İlbaşı Ärdoğan Törkiyäneñ härwaqıt dustanä Venesuêla xalqı yanında bulaçağın belderde.

Ärdoğan Törkiyä belän Venesuêlanıñ küp kenä ölkälärdä, bigräk tä säwdä, ênergetika häm taw sänäğate tarmaqlarında xezmättäşlekne  tağın da üsterüdä qatğıy  buluların assızıqladı.

Oçraşuda ike il arasındağı 3 milliard dollarlıq säwdä küläme maqsatına ireşü öçen yasalırğa tiyeşle adımnar da bäyälände.