"Törkiyä barlıq höcümnärgä qarşı"

Törkiyä ilbaşı Räcäp Tayyip Ärdoğan Rusiyä ilbaşı Vladimir Putin belän ütkärgän telefon söyläşüendä Törkiyäneñ İranğa qarşı höcümnärne xuplamawın, şulay uq İrannıñ töbäk illärenä qarşı cawap itep açqan utların da raslamawın äytte.

Diplomatik çığanaqlarğa kürä, ike lider söyläşüdä ike yaqlı mönäsäbätlär belän bergä töbäkkä qağılışlı häm dönyaküläm täraqqiyätlärne qaradılar.

Ärdoğan, Qara diñgezdä grajdanlıq köymälärenä qarşı höcümnärneñ töbäktäge totrıqlılıqnı qaqşatuın belderep, İran çığanaqlı kiyerenkelekneñ Rusiyä-Ukraina sızığında yaña krizis başçasına äwerelmäskä tiyeşlegenä basım yasadı.

İlbaşı Ärdoğan şulay uq premyer-ministr Binyamin Netanyaxu citäkçelegendäge İzrail xökümäte alıp barğan säyäsätlärne tänqitläp, Qodüsneñ statusın bozuçı adımnarnıñ qabul itelä almaslıq buluın äytte.