Törkiyä ilbaşı Räcäp Täyyip Ärdoğan kiçäge Azärbaycanğa säfäreneñ ike il arasındağı nıq tuğanlıq mönäsäbätläreneñ kürsätkeçe buluın assızıqladı.

Törkiyä ilbaşı Ärdoğan Azärbaycannan ilenä qaytqanda oçqıçta jurnalistlarğa belderülär yasadı.

Ärdoğan: "Törkiyä häm Azärbaycan - nıq bäyläneşlär belän bäylängän ike tuğandaş il. Nizağ üzäklärenä qaramastan bez küp kenä ölkädä , bigräk tä ênergetika, transport häm asqorma ölkäsendäge zur proyektlar belän xezmättäşlegebezne  nığıttıq. Bez yaňa adımnar belän berdämlegebezne tağın da nığıtaçaqbız", — dide.

Törkiyä belän Azärbaycan arasında nizag êzläwçelärneñ faydasız tırışlıqlar belän mäşğul’ buluın assızıqlağan Ärdoğan bolay dide:

"Törkiyä belän Azärbaycan arasında tulı berdämlek, urtaq yazmış häm tuğanlıq bar. Arabızğa salqınlıq kertergä tırışuçılar xalıqlarıbız arasındağı mäxäbbätne, tarixi bäyläneşlärebezne  häm qaqşamas ixtıyarıbıznı isäpkä almıylar.  Törkiyä häm Azärbaycan, Allah boyırsa, monnan soñ da üz töbäkläreneñ tınıçlığı, totrıqlılığı häm mullığı öçen iñgä – iñ atlawların däwam itäçäklär”.