Törkiyä ilbaşı Räcäp Täyyip Ärdoğan Azärbaycan säfärennän ilenä qaytışlıy oçqıçta jurnalistlarğa belderülär yasadı.
Ul AQŞ belän İran arasındağı kiyerenkelek turında bolay dide:
"Bez İranğa qarşı yaña höcümnär dulqını başlanuın häm töbägebeznеñ tağın da totrıqsız xälgä töşüen telämibez. Bez här mömkinlektä problemalarnı dialog häm diplomatiyä aşa xäl itü mömkin dip belderäbez. Qızğanıç, qabat tiskäre yünäleştäge xäräkät turında söyläşergä turı kilä. Bez moña yul quymas öçen quldan kilgänneñ barısın da êşlibez. AQŞ ilbaşı Donal'd Tramp belän bu mäs'älälärne qaradıq häm borçılularıbıznı citkerdem. Solıx häm diplomatiyägä yul açu öçen aradaşçı bulırğa äzer buluıbıznı yaqlarğa citkerdek", — dide ul.
Ayıq aqıl ciñäçägenä ömetlänülären beldergän Ärdoğan, tağın da kübräk bäreleş töbäk öçen tağın da zurraq yuğaltulardan başqa bernärsä tügel dip äytte.
Törkiyä ilbaşı Ärdoğan suğışnıñ zıyanın, awırlığın suğışuçı yaqlar ğına tügel, ä Törkiyädän Farsı qultığı illärenä, Ğıyraqtan Süriyägä, Awrupadan Aziyägä qadär suzılğan bik kiñ geografik töbäkneñ dä kütärüen bilgeläp ütte.
