Frantsiyä ilbaşı Êmmanuêl Makron pänceşämbe könne Pekinda Si Cinpiñ belän oçraştı häm ike il arasındağı ayırmalardan östen çığu kiräklegen äytte.

Qıtay liderı isä Frantsiyä belän mönäsäbätlärneñ tağın da totrıqlı itärgä çaqırdı.

Makronnıñ Qıtayğa 3 könlek säfäreneñ iñ ähämiyätle könüzäk maddäse - Ukraina probleması häm Pekinnıñ utnı tuqtatuğa kertä alaçaq öleşe.

Êmmanuêl Makron Sigä yünältep: “Dönya külämendä, Ukrainada häm suğıştan zıyan kürgän başqa töbäklärdä tınıçlıq häm totrıqlılıq öçen êşläwne däwam itärgä kiräk. Bergä êşläw mömkinleklärebez xälitkeç bulaçaq”,-dide.  

2017nçe yılda wazıyfasına kereşkännän birle Qıtayğa dürtençe tapqır säfär yasağan Makronnıñ Pekinda xökümät räise Li Qiañ belän dä oçraşuı kötelä.

Makron Rusiyä belän baruçı suğış 4nçe qışına kergändä Ukrainada utnı tuqtatuğa yärdäm itüe öçen Sigä basım yasarğa tırıştı.

Qıtay daimi räweştä tınıçlıq söyläşülären häm barlıq illärneñ cir bötenlegen ixtiram itärgä çaqırsa da, berqayçan da Rusiyäne ğayeplämäde.

Fransiyä ilbaşı comğa könenä qadär Qıtayda bulaçaq häm säfäreneñ axırğı tuqtalışı Sıçuan provihsiyäsendäge Çêndu bulaçaq.