2026 yılğı Strategik kommunikaśiya sammitı (STRATCOM) İstanbulda başlandı
Sammitta 38 ildän küp sanda yuğarı däräcäle räsmi zatlar qatnaşa.
2026 nçı yılğı Xalıqara strategik kommunikaśiya sammitı (Stratcom Summit ‘26) comğa könne İstanbulda başladı.
Sammitta Yaqın Könçığıştağı suğış häm xalıqara sistema aldında torğan törle qıyınlıqlar turında fiker alışu öçen 38 ildän küp sanda yuğarı däräcädäge räsmi zatlar cıyıldı.
Törkiyä ilbaşı idaräseneñ êlemtä bülege tarafınnan oyıştırılğan häm ike kön (27–28 mart) däwam itäçäk bu sammitta Törkiyä ilbaşı urınbasarı Cäwdät Yılmaz, tışqı êşlär ministrı Xaqan Fidan häm milli küzläw oyışması başlığı İbrahim Qalın da qatnaşa.
Sammitta şulay uq 10 ildän 11 ministr häm 60tan artıq yuğarı däräcäle räsmi zat qatnaşa.
“Xalıqara sistemada bozılu: krizislar, xikäyälär häm tärtip êzläw” teması astında uzaçaq sammitta global’ sistemadağı struktural’ bozılular, krizislar häm xalıqara totrıqlılıqnı yañadan torğızuğa yünälgän regional’ totışlar qarala.
Törkiyä ilbaşı urınbasarı Cäwdät Yılmaz sammitnıñ açılış çığışında arta baruçı global’ totrıqsızlıqnıñ, suğışlar häm dezinformaśiyäneñ xalıqara säyäsätne yañadan formalaştıruın häm idarä itüdä strategik kommunikaśiyälärneñ möhimlegen assızıqladı.
İlbaşı idaräseneñ êlemtä bülege başlığı Burhanettin Duran da açılış çığışında xalıqara brendqa äwerelgän bu sammitqa qızıqsınunıñ könnän-kön artuın belderde.