Törkiyä tışqı êşlär ministrlığı çığanaqlarınnan alınğan mäğlümatlarğa qarağanda, ministr Xaqan Fidan irtägä İndoneziyägä räsmi säfäre waqıtında çitäkçelek däräcäsendä belderelgän üzara säyäsi ixtiyar qısalarında barlıq ölkälärdä dä ikeyaqlı xezmättäşlekne alğa taba üsterü öçen nindi adımnar yasalırğa mömkin ikänen tikşerer dip kötelä.

Ministr Fidan asqorma, ênergetika, transport, sanlı texnologiyälär, yasalma aqıl häm xäläl azıq-tölek kebek tarmaqlarda ikeyaqlı säwdä külämen 10 milliard dollarğa qadär arttıru öçen partnerlıqnı tiränäytü zarurlığına basım yasar, şulay uq, saqlanu sänäğate proyektlarınıñ barışın häm ike il arasındağı kiläçäktäge xezmättäşlek mömkinleklären bäyälär dip uylanıla.

Törkiyä tışqı êşlär ministrı Xaqan Fidan soñğı tapqır İndoneziyägä 2025 yılnıñ 11-12 fevralendä ilbaşı Räcäp Tayyip Ärdoğan belän bergä barğan ide.