Zelenskiy Törkiyägä kilergä cıyına

Ukraina ilbaşı Volodimir Zelenskiy suğışnı tuqtatu öçen ütkäreläçäk söyläşülärne köçäytü häm totqınnar almaşunı yañadan başlaw tırışlıqların alğa cibärü maqsatınnan Törkiyägä säfär qılırğa planlaştıruın äytte. 

 Zelenskiy sişämbe könne “Telegram” aşa urtaqlaşqan belderüdä çärşämbe könne söyläşülär ütkäräçägen äytte, läkin Törkiyäneñ qaysı şähärendä bulaçağın yäisä kemnär belän oçraşaçağın açıqlamadı.

Ukraina liderı:
“İrtägä Törkiyädä söyläşülär bulaçaq. Söyläşülärne köçäytergä äzerlänäbez häm partnyerlarıbızğa täq’dim itäçäk çişeleşlär êzlädek. Suğışnı tämamlaw — Ukrainanıñ iñ berençe çirattağı mäs’äläse.  Monnan tış, totqınnar almaşunı häm xärbi totqınnarnı qaytarunı yañadan başlaw östendä êşlibez”,- dide.

AQŞ matbuğatı xäbär itüençä, AQŞnıñ maxsus wäkile Stiven Vitkoff ta çärşämbe könne Zelenskiy belän ütkäreläçäk  söyläşülärdä qatnaşu öçen Törkiyägä kiläçäk.

Kreml’:“Rusiya bu atnadağı söyläşülärdä qatnaşmayaçaq”

Şul uq waqıtta Kreml’ sişämbe könge belderüendä Rusiyäneñ bu atna Törkiyädäge oçraşularda qatnaşmayaçağın äytte.
Kreml’ süzçese Dmitriy Peskov jurnalistlarğa:
“Yuq, irtägä Törkiyädä bernindi Rusiya wäkile bulmayaçaq. Älegä bu êlemtälär Rusiyä qatnaşınnan başqa bara”, — dip belderde.

 Törkiyä Kiyev häm Mäskäw belän dialognı däwam itkän NATO äğ’zası bularaq 2022 yıldan birle aradaşçı rolen başqardı.

 Ukraina däwlät başlığı Volodimir Zelenskiy diplomatiyäne torğızuğa yünältelgän söyläşülär öçen Törkiyägä kilä.

AQŞ wäkile Stiv Vitkoffnıñ söyläşülärdä qatnaşuı kötelä, läkin Kreml’ qatnaşmayaçağın belderde.