Düşämbe könne Germaniyä İzrailgä qoral êksportına kertelgän çikläwlärne beteräçägen iğlan itte. Bu qararnı il Ğazzädä "utnı tuqtatunıñ totrıqlı xälgä kilüe" häm töbäktäge soñğı diplomatik uñışlar belän bäyläde.
Xökümät wäkile Stefan Kornelius “DPA” agentlığına beldergänçä, qarar 24 noyabrdä üz köçenä keräçäk. Ul älege adımnıñ İzrail belän “Xamas” arasında10 oktyabrdän birle ğamäldä bulğan utnı tuqtatu kileşüenä nigezlänüen äytä.
Korneliusdaimi tınıçlıqqa öçen tırışlıqlar häm Ğazzädä gumanitar yärdämneñ artuın da bilgeläp ütte.
Kansler Fridrix Merts 8 avgustta Ğazzä suğışında qullanıla ala torğan qorallarnıñ êksportına çikläwlär kertte.
Bu qarar İzrailneñ tulı külämdäge höcüm başlayaçağın iğlan itüe häm Ğazzägä yärdäm cibärülärne tuqtatuına bäyle räweştä kildе.
Germaniyäneñ İzrailgä qoral êksportı ozak waqıttan birle bäxäsle mäsälä bulıp tora. Ul xoquq saqlaw oyışmaları belän Ğazzä xalıqı tarafınnan küp sanda xoquqıy şiqayätlärgä säbäp buldı.
