Awrupa şurası räise Antonio Kosta, BMO Ğomum şurasınıñ ike däwlätle çişeleşkä bağışlanğan utırışı qısalarında, Törkiyä ilbaşı Räcäp Tayyip Ärdoğan belän oçraştı häm Törkiyäne Ukrainağa Rusiya belän suğışında kürsätkän yärdäme öçen maqtadı.

Kosta, düşämbe könne bu oçraşunı "yaxşı" dip bäyäläde häm "Törkiyä Ukrainağa yärdäm kürsätüdä möhim xezmättäş, Üzixtıyarıylar koaliśiyäse tırışlıqlarında qatnaşa," dip äytte.

Ul şulay uq, Awrupa Berlege "ğadel häm ozın möddätle tınıçlıqqa ireşü öçen bergä êşläwne däwam itäçäk," dip östäde.

“Ozın möddätle tınıçlıqnı täêmin itü öçen här ölkädä citäkçelekne üz östebezgä alırğa äzer”

4 sentyabrdä Parijda uzğan soñğı "Üzixtıyarıylar koaliśiyäse" cıyılışı Ukrainağa yaña iminlek yöklämäläre belän iğtibarnı cälep itte, çönki Rusiyä belän suğış däwam itä.

Suğış başlangan waqıttan birle Mäskäw belän Kiyev arasında balanslı rol' uynarğa omtılğan Törkiyä, cıyılışta tınıçlıq öçen tırışlıqların däwam itü telägen qabatladı.

Parij sammitınnan soñ Törkiyä ilbaşı urınbasarı Cäwdät Yılmaz, "Rusiyä-Ukraina suğışında ozın möddätle tınıçlıqnı täêmin itü öçen här ölkädä citäkçelekne üz östebezgä alırğa äzerbez," dip belderde.

Änkara moñarçı Rusiya häm Ukraina räsmiläre arasında turıdan-turı söyläşülärne oyıştırdı häm 2022 yılda başlanğan konflikt waqıtında iñ zur diplomatik uñışlardan sanalğan Qara diñgez aşlıq kileşüen tözüdä töp aradaşçı buldı.