Keşe xoquqları oyışması:“İrandağı çualışlarda ülüçelär sanı 2 570tän arttı”

AQŞta urnaşqan häm İranğa yünältelgän keşe xoquqları oyışması HRANA çärşämbe könne yasağan belderüendä İrandağı protestlarda ğomeren yuğaltuçılarnıñ sanı 2 571gä citte dip xäbär itte.

İl citäkçelege soñğı yıllardağı iñ zur oppoziśiya dulqını belän oçraşa.

HRANA mäğ’lümatlarına qarağanda, 2 403 protestçı­nıñ, xökümät köçläre belän bäyle 147 keşeneñ, 12 bala­nıñ häm protestlarda qatnaşmağan tınıç xalıqtan 9 keşeneñ  ülüe raslanğan.

Sişämbe könne İran räsmi zatı yaqınça 2000 keşeneñ ülemen tanıdı.

İq’tisadi şartlarnıñ naçarlanuı arqasında kilep çıqqan protestlar soñğı öç yılda İran citäkçeläre oçraşqan iñ citdi êçke problemağa äylände.

AQŞ ilbaşı Donal'd Tramp sişämbe könne iranlılarnı protestlarnı däwam itärgä çaqırdı, “yärdäm yulda” dip belderde.

Jurnalistlar monı açıqlawın sorağaç Tramp sez monı üzegez añlarğa tiyeş dip cawap birde, xärbi xäräkätneñ qaralğan variantlar arasında buluın äytte.

İran räsmiläre AQŞ häm İzrailne çualışlarnı quzğatuda  ğayepläde, şul uq waqıtta ülemnärne çit illärneñ citäkçelege astında êş tüçe terrorçı êlementlarğa bäyläde.