Könçığış Qara diñgez êksportçılar assośiyaśiyaseneñ idarä şurası başlığı Sälçuk İskändä yazmaça açıqlaw yasap, ağımdağı yılnıñ berençe biş ayında Trabzonnan 625 million 282 meñ, Rizädän 101 million 145 meñ, Gümüşhanädän 65 million 290 meñ, Artvinnan 39 million 451 meñ dollarlık êksportnıñ tormışqa aşırıluın belderde.

İskändär êksportta uzğan yılnıñ şul uq çorı belän çağıştırğanda Trabzonda 12 prośent, Rizädä 31 prośent, Gümüşhanädä 76 prośent häm Artvinda 26 prośent üseş buluın assızıqladı.

İñ küp êksport başqarılğan tarmaqlar başında 437 million 615 meñ dollar belän urman çikläwege buluına iğtibar itkän İskändär annan soñ 135 million 466 meñ dollar belän mineral häm metallar, 88 million 278 meñ dollar belän su produktları häm terlekçelek êşlänmäläre, 67 million 758 meñ dollar belän isä yaña ölgergän ciläk-cimeş häm yäşelçäneñ kilüen citkerde.

Könçığış Qara diñgezdän älege çorda 115 ilgä satışnıñ çınğa aşuın beldergän İskändär, iñ küp êksport yasalğan berençe 5 ilneñ isä İtaliya, Germaniya, Rusiyä, Gruziya häm Franśiya buluın belderde.

Êksport iñ küp artqan ilneñ 96 prośent belän Germaniya buluın äytkän İskändär, uzğan yılnıñ şul uq çorınnan ayırmalı bularaq Filippin, İndoneziyä, Êl-Salvador, Argentina häm Sudan da aralarında bulğan tağın 13 ilgä êksportnıñ tormışqa aşırıluına iğtibarnı cälep itte.