Törkiyä ilbaşı Räcäp Tayyip Ärdoğan G20 sammitında birgän intervyuda bolay dide: “Törkiyä COP31 ne ütkärergä häm Ğazzäne qabat tözekländerergä bulışırğa äzer. Fälästin xalqı yanında bulu täwäkkällelegebez häm xäzerlegebez härwaqıt bulğanı kebek däwam itä.”

Törkiyä ilbaşı Räcäp Tayyip Ärdoğan Könyaq Afrikanıñ Yoxannesburg şähärendä oyıştırılğan G-20 sammitında liderlarğa möräcäğat itep yasağan çığışında Törkiyäneñ kiläse noyabr ayında BMOnıñ Klimat üzgäreşe konferenŝiyasen ütkärergä äzer buluın citkerde.

Awstraliya COP31 namzätlegennän kire çigengännän soñ Törkiyä kiläse yılnı klimat sammitın Antaliyada uzdırırğa cıyına.

Ärdoğan şimbä könne yasağan çığışında Törkiyäne ênergetika maqsatlarına basım yasap, 2035 yılğa qadär qoyaş häm cil ênergiyase sıydırışlılığın 4 tapqırğa arttırunı maqsat itep quyuın; bıyıl yañartıla torğan ênergiyaneñ Törkiyäneñ ênergetika balansındağı öleşeneñ xäzerdän 60%tan artuın äytte.

Ğazzä mäs’äläsenä dä tuqtalğan Ärdoğan uzğan aynı täêmin itelgän utnı tuqtatunıñ global totrıqlılıq öçen bik möhim buluın assızıqladı.

“BMO kürsätkeçlärenä qarağanda İzrail säbäpçe bulğan cimereklär Fälästinneñ üseş tırışlıqların 70 yıl artqa çigenderde,” – dide ul.

İlbaşı Törkiyäneñ daimi utnı tuqtatunı yaqlawda häm Fälästin töbägeneñ qabat tözeländerelüenä öleş kertüdä täwäkkäl buluın belderep tübändägeçä däwam itte: “Härwaqıt bulğanı kebek Fälästin xalqı yanında bez.”

Könyaq Afrikanıñ Yoxannesburg şähärendä dönyanıñ aşığıç problemaların bäxäsläşüne maqsat itüçe ike könlek liderlar sammitı uza.