Venesuêladağı 7,2 häm 7,5 ballı cirteträwlärdän soñ Törkiyädäge oyışmalar êşkä kereşte.

Afätlär häm ğadättän tış xällär belän idarä itü räislege (AFAD) koordinaśiyäsendä tışqı êşlär ministrlığı, milli saqlanu ministrlığı, sälamätlek saqlaw ministrlığı häm ilbaşı idaräseneñ iminlek êşläre ğomum mödirlege berençe çiratta bulu belän bergä  bäyläneşle oyışmalar arasında täêmin itelgän êlemtä näticäsendä yärdäm äzerlekläre tämamlandı.

38 keşedän torğan êzläw-qotqaru törkeme yulğa çığa

Ğomum ştab belän koordinaśiya qısalarında birelgän A-400M törendäge xärbi  oçqıç belän İstanbul, İzmir häm Dänizlidän 37 keşelek êzläw-qotqaru häm gumanitar yärdäm törkeme, sälamätlek saqlaw ministrlığı qaramağındağı 6 keşelek Milli mediśina qotqaru törkeme , Törek “Qızılay”ınıñ 2 gumanitar yärdäm xezmätkäre, 2 êzläw ête häm tulısınça cihazlandırılğan 3 êzläw-qotqaru texnikası cirteträw bulğan töbäkkä cibärelä.

Tışqı êşlär ministrlığı häm Törkiyäneñ Karakastağı ilçelege aşa töbäktäge wäzğıyät häm ixtıyac analizları yaqınnan küzätelä.