Törkiyä  häm Süriyä sälamätlek saqlaw ministrlıqları arasında sälamätlek  saqlaw häm mediśina fännäre ölkälärendä xezmättäşlek turındağı  kileşü memorandumına qul quyıldı.

Sälamätlek saqlaw ministrı Kämal Mämişoğlu üzeneñ sośial media akkauntında  Süriyädäge räsmi oçraşuları qısalarında  wazıyfadaşı doktor Musaab Nazzal Alali belän ike ilneñ sälamätlek saqlaw  ministrlıqları arasında sälamätlek saqlaw  häm mediśina fännäre ölkälärendä xezmättäşlek turındağı kileşü memorandumına qul quyuın belderde.

Ministr Mämişoğlu bolay dide:

“Kileşü qısalarında xalıq sälamätlegen saqlaw sistemaların nığıtu, yoğışlı awırularğa qarşı köräş, äni häm bäbi sälamätlege ,darular, mediśina cihazları häm vakśinalar êşläp çığaru, mediśina biotexnologiyäse ölkälärendä mäğlümat häm texnik täcribä urtaqlaşu, afätlär häm ğadättän tış xällär belän idarä itü, sälamätlek mäğlümat sistemaları, şulay uq sälamätlek turizmın üsterü mäsälälärendä kileşügä ireşelde. Kileşü Süriyä belän sälamätlek saqlaw ölkäsendäge xezmättäşlegebezne tağın da alğa cibärer dip ömetlänäm häm anıñ illärebez öçen faydalı buluın telim”.