Awrupa şurası başlığı Antonio Kosta häm Awrupa komissiyäse başlığı Ursula fon der Leyen N’yu-Yorkta BMO ğomum şurası qısalarında Süriyä däwlät başlığı Äxmäd äş - Şara belän oçraştı.
Sişämbe könne “X” platformasında bastırılğan urtaq belderüdä Awrupa Berlege liderlarınıñ Şara belän Süriyäneñ küçeş çorındağı qıyınlıqları turında uñay söyläşülär ütkärüe citkerelde.
Belderüdä bloknıñ zararlı tışqı täêsirlärdän yıraq, çın, tınıç maqsatlı häm Süriyä citäkçelegendäge küçeşkä kürsätelgän yaqlawnı yañarttılar.
"Bez säyäsi dialognı arttırırğa, aşığıç gumanitar ixtıyaclarnı qanäğat’länderergä, Süriyäneñ sośial’-iq’tisadi torğızıluına häm yañartıluına yärdäm itüdä qatğıybız”, — dip äytelde.
Yaqınça 25 yıl Süriyä rejimın citäklägän Bäşar Äsäd uzğan dekabr’dä Rusiyägä qaçqannan soñ, 1963 nçe yıldan birle xakimiyättä bulğan Baas partiyäse rejimı tögällände. Äxmäd äş - Şara citäkçelegendä ğıynwarda yaña küçeş xökümäte tözelde.
Äsäd wazıyfasınnan alıngannan birle Süriyäneñ yaña idaräse säyäsi häm iq’tisadi reformalar ütkärügä, cämğıyät’ne berläşterügä, regional’ häm xalıqara partnyerlar belän xezmättäşlekne kiñäytügä zur ähämiyät birä.
