Törkiyäneñ BMOdağı daimi wäkillege kiñäşçese Gülşah Cumurcu Kader xalıqara cämäğatçelekneñ “genotsidqa äylänä aluçı zur zolımnarğa” şahit buluı turında kisätte häm Ğazzädäge xälne mondıy awır xalıqara cinayätlärneñ qabatlanuına yul quymawnıñ zarurlığın açıq räweştä iskä töşerüçe misal dip äytte.

“2nçe Bötendönya suğışı häm Xolokosttan soñ äytelgän “başqa berqayçan da” wäğdäse bezneñ urtaq vöcdanıbızda urnaşsa da, bügenge köndä xalıqara cämğıyät genotsidqa äylänä aluçı citdi zolımnarnı küzätä,” – dip äytte ul yuğarı däräcäle BMO cıyılışında. Bu çara Genotsid qorbannarın iskä alu köneneñ 10 yıllığı uñayınnan ütte.

Kader Ğazzäneñ “ğazaplı iskä töşerüçe häm kisätü” buluın äytte häm 'ütkännärdäge faciğale däreslärneñ bügenge tırışlıqlarğa yünäleş birergä tiyeşlegenä” basım yasadı.

Ul xalıqara qanunnarnıñ barlıq xäräkätlärgä yul kürsätüe zarurlıgın assızıqlap: “1948 yılğı “Genotsid konvensiyase” genotsid digän konkrekt qanuni terminnı açıqlıy häm 'bu cinayätneñ başqarılğan buluın mäxkämä raslarğa tiyeş”,- dip äytte.

“Ğazzädä kürelgänçä xalıqara qanun bozular cäzasız qalmasqa tiyeş,”- dide kiñäşçe häm cawaplılıqnı täêmin itüneñ mondıy xällärne kirtäläw öçen töp şart buluın assızıqladı.