Oçış mäğ’lümatları Netanyaxu oçqıçınıñ, aña qarata saq astına alu boyırığı äle dä ğamäldä buluğa qaramastan, Xalıqara cinayät’ mäxkämäse (ICC) äğ’zası bulğan öç ilneñ hawa kiñlegen uzuın kürsätä.

Oçışlarnı küzätü saytı “FlightRadar” mäğ’lümatlarına qarağanda, Netanyaxu oçqıçı AQŞqa barışlıy Greśiya, İtaliya häm Franśiya  aşa uzğan.

Xalıqara cinayät’ mäxkämäse (ICC) 2024 yılnıñ 21 noyaberendä, 2023 yılnıñ oktyabrennän birle 72 meñnän artıq fälästinleneñ ğomeren özgän Ğazzädäge suğış cinayät’läre häm keşelekkä qarata cinayät’lär säbäple, Netan’yaxuğa saq astına alu boyırığı çığarğan ide.

Hawa kiñlege qullanılğan öç il dä ICCnı oyıştırğan kileşü — Rim statutı kileşüendä qatnaşuçılar häm saq astına alu boyırıqların da kertep mäxkämä belän xezmättäşlek itü buyınça xoquqıy yöklämägä iyä.

Ber genä däwlät tä İzrail oçqıçına üz hawa kiñlegen yapmadı.

Êlegräk İzrail liderı saq astına alu ixtimalı turında borçılu arqasında qayber illärneñ hawa kiñleklären qullanmağan ide.

Läkin uzğan yılnıñ sentyabrendä BMO ğomum şurasında qatnaşu öçen N’yu-Yorkqa yasağan säfärendä, şul waqıttağı oçış mäğ’lümatlarına qarağanda, Netan’yaxu oçqıçı Greśiya häm İtaliya aşa uzğan, läkin Franśiya hawa kiñlegen qullanmağan.

Sişämbe irtäsendä Netanyaxu Tel’-Aviv yanındağı Ben- Gurion aêroportınnan Vaşingtonğa oçıp kitte; anda anıñ Donal'd Tramp belän İranğa bağışlanğan söyläşülär ütkärüe kötelä.

Bu säfär Oman başqalası Maskatta AQŞ belän İran arasında turıdan-turı bulmağan söyläşülär uzğannan da küp tä ütmi buldı; bu barış töbäktä kiyerenkelek häm AQŞnıñ xärbi köçe artu şartlarında bara.