Qazaqstan comğa könne Awrupada konvenśional qorallı köçlär xalıqara kileşüendä qatnaşuın tuqtatuın citkerde.

Bäyläneşle qararnamä ilbaşı Qasıym-Comart Toqayev tarafınnan imzalandı, İlbaşı idaräse säxifäsendä basılıp çıqtı.

Awrupada konvenśional qorallı köçlär xalıqara kileşüenä 1990 yılnıñ noyabrendä Parijda 16 NATO äğzase belän 6 Varşava paktı äğzase wäkilläre qul quyğan ide.

Älege kileşü Atlantik okeannan alıp Ural tawlarına qadär suzıluçı Awrupa töbägendägendä suğış tankları, köbäle suğış texnikası, artilleriya sistemaları, xärbi oçqıçlar häm höcüm boralaqları sanına çikläwlär kertte.

Näticädä 28 il kileşüne imzalağan taraflar arasına kerde.

Kileşüneñ yañartılğan versiyase 1999 yılda İstanbuldağı Awrupa iminlek häm xezmättäşlek oyışması sammitında täqdim itelde.

Bu tözätelgän tekstnı barı tik Rusiyä, Belarus, Qazaqstan häm Ukraina rasladı.

Rusiyä 2007 yılda kileşüdä qatnaşuın tuqtattı häm 2023tä kileşüdän räsmi räweştä çıqtı.

Annarı Belarus, Ukraina, Törkiyä, Vengriya, Moldova häm qalğan qayber illär dä oxşaş qarar qabul itülären açıqladı.