İlbaşı qolliyäsendä Däwlät başlığı Räcäp Tayyip Ärdoğan belän Üzbäkstan İlbaşı Şäwkät Mirziyayevneñ oçraşuınnan soñ ike il arasında kileşülärgä imza salındı.

2022nçe yılnıñ 29nçı martındağı Törkiyä Cömhüriyäte xökümäte belän Üzbäkstan Cömhüriyäte xökümäte arasında il çiklärennän uzuçı transport çaraları häm tovarlarğa qağılışlı aldan mäğlümat almaşu turındağı Protokolğa üzgäreşlär kertü turındağı östämä Protokolğa Törkiyä Säwdä ministrı Ömär Bolat häm Üzbäkstan Tışqı êşlär ministrı Bahtiyor Saidov qul quydı.

Törkiyä Cömhüriyäte belän Üzbäkstan Cömhüriyäte arasındağı Preferenśiyäle säwdä kileşüenä üzgäreşlär kertü turındağı protokol Ömär Bolat belän Üzbäkstan Kapital salu, sänäğät häm säwdä ministrı Laziz Kudratov tarafınnan imzalandı.

Törkiyä Cömhüriyäte xökümäte belän Üzbäkstan Cömhüriyäte xökümäte arasında Sośial iminlek kileşüenä Törkiyä Xezmät häm sośial iminlek ministrı Vädat Işıkxan belän Üzbäkstan Tışqı êşlär ministrı Saidov imza saldı.

Törkiyä Cömhüriyäte xökümäte belän Üzbäkstan Cömhüriyäte xökümäte arasında Sośial iminlek kileşüeneñ ütäleşenä qağılışlı İdari kileşüne Vädat Işıkxan belän Bahtiyor Saidov imzaladı.

Törkiyä Cömhüriyäte xökümäte belän Üzbäkstan Cömhüriyäte xökümäte arasında êş dönyasına bulışlıq itügä qağılışlı Yuğarı däräcäle şuranıñ tözelüe turındağı Kileşüne isä Törkiyä İlbaşı Räcäp Tayyip Ärdoğan belän Üzbäkstan Däwlät başlığı Şäwkät Mirziyayev qul quydı.