"Törki dönya dialogı forumı" 30-31 oktyabrdä Änkarada Törki däwlätlär oyışmasınıñ 13nçe sammitı qısalarında uzdı.

"Fikerdän dialogqa, alğa" teması astında uzğan forumnıñ berençe köne ilbaşı urınbasarı Cäwdät Yılmaz häm İlbaşı êlemtä idaräse başlığı Burxanettin Durannıñ açılış çığışları belän başlandı. Panellär häm tügäräk östäl söyläşülären üz êçenä alğan forumda törki däwlätlärneñ äğza häm küzätüçe illärennän, şulay uq, dönyanıñ törle poçmaqlarınnan çığış yasawçılar qatnaştı.

Programmada törki dönyada media häm kommunikatsiya, diplomatiyädä xatın-qızlarnıñ çağlışı häm role, parlament diplomatiyäse, üzgärüçe global’ tärtiptä törki dönyanıñ strategik östenlekläre kebek temalar buyınça fiker alışular buldı.

Oçraşuda törki däwlätlär arasında ênergiya qurqınıçsızlığı häm xezmättäşlek mömkinlekläre, şulay uq, törki däwlätlärneñ strategik kommunikatsiya häm yalğan mäğlümatqa qarşı köräşe, alarnıñ üseş küzallawı häm törki dönyasınıñ kiläçägenä qaraşları bäyälände.

Ikençe yaqtan, global’ transformatsiya çorında törki dönyanıñ geosäyasi role, kommunikatsiya perspektivasınnan yasalma aqıl tudırğan qıyınlıqlar häm Urta koridordan urtaq citeşterü ekosistemasına qadär suzılğan iqtisadi xezmättäşlek modele dä bäyälände.

Forum qısalarındağı panel häm tügäräk östäl utırışlarında 114 spiker qatnaştı.

Törle mädäni häm sänğät çaraların häm kürgäzmälärne üz êçenä alğan programmada törki dönyadan yuğarı däräcädege wäqalätlelär, parlament äğzaları, kommunikatsiya häm media belgeçläre, ğalimnär, analitik üzäklär wäkilläre, fän, mädäniyät häm sänğät ölkälärendä aktiv êşläwçe şäxeslär cıyıldı.