Sulçı êlekkege xezmät ministrı Jannet Xara belän uñçı lider Xose Antonio Kast, öleşçä näticälärgä qarağanda, ilbaşı yarışında alda baralar, bu näticälär kandidatlarğa dekabr’ ayında uzaçaq ikençe turda qatnaşu mömkinlege biräçäk.

Tawışlarnıñ 52,39% sanalğannan soñ 8 partiyäle koaliśiya öçen tir tügüçe  51 yäş’lek kommunist Xara 26,58% tawış belän alda bara.  Servel’ saylaw oyışması yäkşämbe könne Kastnıñ 24,32% tawış cıyuın belderde.

Uñçı xalıq ışanıçlısı Yoxannes Kayzer ciñelüen tanıdı.  

Kayzer kiläse ay uzaçaq ikençe turda uñçı  xezmättäşe Kastnı yaqlayaçağın äytte.

İlbaşı Gabrie’l Boric ta Kast belän xökümät tarafınnan xuplanğan sulçı kandidat Xaranıñ ikençe turğa çığaçağın rasladı.

Kast häm Xaradan belderülär

İke kandidat ta näticälärdän soñ belderülär yasadı.  Xara Çili xalıqın çiktän tış uñçılıqqa yünälmäskä çaqırdı, ä Kast ilne yañadan töziyäçägen äytte.

Xara ilbaşı saylawlarınıñ berençe turında alda barğannan soñ  “Qurqu yöräklergezne qatılaştırmasın,” – dip äytte.

Kast isä yäkşämbe könne ütkän berençe turda Xaradan azğa ğına qalıştı häm “İlne yañadan töziyäçäkbez” dip belderde.

Saylaw aldınnan ütkärelgän soraştırular Kastnıñ ikençe turda Xaranı ciñü ixtimalı yuğarı buluın kürsätte.