“TUSAŞ” ğomum mödire Mäxmät Dämiroğlu Berlindağı Törkiyä ilçelegendä uzğan "Törkiyäneñ kütärelüçe aviatsiyä häm saqlanu texnologiyäläre" konferentsiyäsendä saqlanu sänäğateneñ qlobal qazanışları häm kiläçäkkä qaraşı turında söyläde.
Dämiroğlu “TUSAŞ” kompaniyäseneñ 1973 yılda keçkenä alaçıqta başlanğan säyaxäteneñ 2005 yılda çit il aktsiyälären tulısınça satıp alu belän 100% êçke häm milli strukturağa äylänüen belderde häm soñğı 20 yılda 13 original' platforma êşläwlären, şul isäptän, pilotlı häm keşesez hawa apparatları, boralaqlar häm ğaläm proyektları äzerläwlären assızıqladı.
Dämiroğlu bolay dide: "Bügen bez Änkaranıñ Qaxramanqazan şähärendäge 4 million kvadrat metrlı zur kampusta, 16 300 keşedän torğan dinamik komanda belän êşlibez. Urtaça yaşebez 34. Dönyanıñ küp poçmaqlarında bezneñ ofislarıbız bar häm tizdän Afrikada, nigezdä, Nigeriyädä kiñäyäçäkbez". - dide ul.
“TUSAŞ” - qlobal aviatsiyädä äydäp baruçı täêmin itüçelär arasında.
“TUSAŞ”nıñ qlobal grajdanlı aviatsiyäse bazarındağı strategik rolen assızıqlap, Dämiroğlu kompaniyäneñ dönyada “Airbus” häm “Boeing” öçen detallär citeşterä torğan az sanlı şirkätlärneñ berse buluın assızıqladı.
Dämiroğlu bolay dip belderde: "Bez “Airbus” häm “Boeing” kompaniyäläreneñ grajdanlıq aviatsiyäse konstruktsiyäläre ölkäsendä iñ zur täêmin itüçelärneñ berse. Bez dönyada qayber möhim detallär öçen berdänber citeşterüçe." - dide ul.
Törkiyä Awrupadan küpkä alda
6nçı buın xärbi oçqıçları buyınça dönyada äydäp baruçı oyışmalarnıñ berse bulırğa omtılmawların belderep, Dämiroğlu bolay dip bilgeläp ütte:
"Tempest” yaki FCAS kebek proyektlar Awrupada tikşerelsä dä, Frantsiyä, Germaniyä, İspaniyä yaki Angliya äle üz proyektların başlamağan. Läkin bez alardan küpkä alda. 2024 yılnıñ 21 fevralendä bezneñ milli suğış oçqıçıbız “KAAN”nıñ berençe oçışı böten ilneñ yünäleşen üzgärtte. Törkiyä bu texnologiyägä ireşä alırlıq dönyada 4 ilneñ berse buldı. Bez Törkiyä hawa köçäreneñ höcüm bazasın, “F-16” oçqıçların, içke häm milli sistemalar belän modernizatsiyaläw grafikıbıznı centekläp ğamälgä aşırabız."
