"Törkiyä härwaqıt tınıçlıq häm totrıqlılıq yaqlı"
Bu turıda Törkiyä İlbaşı idaräseneñ êlemtä başlığı Burhanettin Duran citkerde
Törkiyä İlbaşı idaräseneñ êlemtä başlığı Burhanettin Duran, däwlät başlığı Räcäp Tayyip Ärdoğan citäkçelegendä Törkiyäneñ krizisnı xäl itü tırışlıqlarına iğtibarnı cälep itep, ilneñ tınıçlıq häm totrıqlılıqqa omtılışın assızıqladı.
Duran bolay dip belderde: “İlbaşıbız Ärdoğannıñ köçle citäkçelegendä ilebez krizislarnı xäl itüdä yasağan häm yasayaçaq adımnar iğtibar belän küzätelä.”
Törkiyäneñ qurqınıçlar aldında nıq toruın bilgeläp ütep, Duran däwlät gimnınıñ “Qurıqma” süzläre belän başlanuın iskä töşerde.
“NSosyal” isemle Törkiyäneñ soŝial media platformasındağı akkauntında yasağan yullamasında Duran, ilbaşı Ärdoğannıñ dönya citäkçeläre belän diplomatik oçraşuları urın alğan videoyazmalar häm xökümättäge “Aq” partiyaneñ parlamentta uzğan törkem cıyılışındağı çığışınnan özeklär belän urtaqlaştı.
“İlebezdä häm dönya külämendä härwaqıt tınıçlıq häm totrıqlılıq yaqlı bez,” - dip äytte ul.
Burhanettin Duran Törkiyäneñ qurqınıçlar qarşısında nıq torırğa däwam itäçägen qabatladı.