Çikago şähäre häm ştat citäkçelege yaqınça 200 Texas milli saqçısınıñ şähär yanında belem ala başlawınnan soñ bu federal mobilizaŝiyane buldırmaw öçen mäxkämä êşe açtı.
“CNN”ğa kürä Texas milli saqçılarına bäyle ber törkem ğaskäri AQŞ ilbaşı Donald Trampnıñ Çikago häm Portlandka ğaskäri cibärü planı qısalarında İllinoys ştatına barıp citte.
Älegä 200 tiräse ğaskäri bar läkin ozaqlamıy tağın da küp ğaskärineñ bu törkemgä quşıluı kötelä. Alar Çikago çitendäge ber xärbi qorılmağa urnaştı häm operaŝiyalären başlatqançı belem alaçaq.
Çikagodağı operaŝiyalärne tikşerüçe Çik patrule räsmi zatı Gregoriy Bovino äytüençä ğaskärilär berençe êş itep federal qorılmalarnı saqlayaçaq häm aşığıç xällärdä tizlek belän êş itärgä äzerlänäçäk.
“Qorılmanı saqlaw, hiçşiksez bu plan üzägendä bulaçaq,” – digän Bovino Brodvyudağı Migraŝiya häm tamğaxanä poliŝiyase qorılmasın ürnäk itep kürsätte. Bu qorılmada soñğı waqıtta protestlar oyıştırılğan ide.
İllinoys ştatı häm Çikago şähäre älege ğaskäri ağımın tuqtatu öçen mäxkämä êşe açtı häm Trampnıñ cirle citäkçelek raslawı bulmıyça ştat köçlären êşkä kereşterep, wäqaläten naçarğa qullanuın citkerde.
Tramp citäkçelege küp kenä AQŞ şähärendä xoquq saqlaw organnarı xezmätkärläre sanın arttırdı.
Çikago mêr Brendon Djonson düşämbe könne ber dokumentka qul quyıp, şähärdä Migraŝiya häm tamğaxanä poliŝiyaseneñ migrantlarğa qarata êşen tıydı häm mäktäp, avtoparklar kebek urınnarğa kerä almayaçaqlarına qarar birde.
