Awstraliya premyer-ministrı Êntoni Albaniz ilneñ iñ tanılğan plyajındağı höcümne ğacäpkä qaldıruçı häm borçuğa saluçı dip atadı, poliŝiya häm aşığıç yärdäm kürsätü törkemnäreneñ waqıyğa urınında êşçänlek başqarğanda xalıqnı boyırıqlarnı ütärgä çaqırdı.

Awstraliya xökümäte häm cirle media yäkşämbe könne Sidneynıñ tanılğan Bondi plyajında oyıştırılğan kümäk höcümdä kim digändä 12 keşeneñ ülüen häm berniçä keşeneñ yaralanuın belderde.

Bu – soñğı yıllarda ildäge iñ qanlı qorallı höcümnärdän berse.

Yaña Könyaq Vels poliŝiya yar buyında qoral tawışlarınıñ işetelüennän soñ berdän küp ülem oçrağın rasladı häm ike şöbhäle keşeneñ qulğa alınuın açıqladı. “Australian Broadcasting Corporation” qorallı ike şikle keşedän berseneñ poliŝiya tarafınnan üterelüen, ikençeseneñ isä qulğa alınuın häm kritik wazğıyätta buluın citkerde.

Yaña Könyaq Vels premyer-ministrı Kris Minns: “Bondidağı höcümdä 12 keşe ülde,” – digän qısqa belderü yasadı.

Aşığıç yärdäm törkemnäre höcümnän soñ kimendä 13 keşeneñ xastaxanägä salınuın belderde.

Awstraliya premyer-ministrı Êntoni Albaniz höcümne höcümne ğacäpkä qaldıruçı häm borçuğa saluçı dip atap, poliŝiya häm aşığıç yärdäm kürsätü törkemnäreneñ keşelärne qotqaru öçen tırışlıq quyuın äytte.

 “Zıyan kürgän här keşe yanında min. Töbäktäge keşelärne Yaña Könyaq Vels poliŝiyase quşqannarnı ütärgä çaqıram,” – dide ul.

Poliŝiya operaŝiya däwam itkändä xalıqnı töbäktän yıraqlaşırğa häm imin urın tabarğa çaqırğan ide.

Höcümgä şahit bulğan ingliz turist Timoti Brant-Koles “AFP” agentlığına belderü yasap, bolay dide: “Ber höcüm buldı. Qara kiyengän, avtomatları bulğan ike höcümçene kürdem.”

Awstraliyaneñ iñ simvolik turistik urınnarınnan berse bulğan häm ayıruça atna azaqlarında yözüçelär, syerfçılar häm keşelär küp kilgän Bondi plyajı ilneñ iñ möhim şähäre bulğan Sidneynıñ könçığışında urın ala.

Räsmi zatlar wazğıyätneñ kontroldä buluın läkin tikşerüneñ däwam itüen citkerde.