Nigeriyäneñ tön’yaq-könçığışındağı Borno ştatında "Boko Xaram" terrorçı oyışması äğzaları mäktäpkä höcüm itep, uquçılarnı urlağan.

Milli matbuğat xäbärlärenä qarağanda, “Boko Xaram” äğzaları irtänge säğatlärdä Borno ştatınıñ Lassa şähärendäge däwlät urta mäktäbenä höcüm itkän.

Oyışma bik küp uquçını urlağan.

Borno ştatı politsiyäse wäkile Naxum Kennet Daso bu xälne rasladı häm höcümçelärneñ Lassada oyıştırılğan atnalıq bazardan faydalanıp, mototsikllarda rayonğa ütep kerüen äytte.

Daso höcümdä ber uqıtuçı hälak buluın häm küp kenä uquçılar urlanuın belderde.

Nigeriyä qorallı köçläreneñ terrorçı törkemnärgä qarşı operatsiyäse bulğan "Xadin Kay" operatsiyäse komandirı wazıyfaların başqaruçı Möxämmäd Musa Goni bu waqıyğanı rasladı.

Goni Daggu töbäge yanında qaçuçı höcümcelär belän bäreleştä ber ğaskärineñ hälaq buluın bilgeläp ütte.

Ul urlağan 10 uquçınıñ qotqarıluın, alarnıñ sälamätlege yaxşı buluın häm kiräkle yardäm aluların östäde. Goni höcümçelärne totu häm başqa uquçılarnı qotqaru öçen operatsiyälär däwam itüen assızıqladı.