Äfğanstanda zilzilä barlıqqa kilde

Äfğanstannıñ Hindu Kuş töbägendä barlıqqa kilgän 5,8 ball zurlığındağı cir teträw, başqala Qabulnı da kertep, küp sandağı töbäktä xis itelde.

Qabul vilayäteneñ Bagrami rayonında ber öyneñ cimerelüe näticäsendä kim digändä altı keşeneñ ğömere özelde, ber keşeneñ isä yuğaluı belderelde.

Äfğanstan Mäğlümat ministrlığı, ülem oçraqlarınıñ comğa könne öyneñ cimerelüennän kilep çığuın xäbär itte.

Germaniyadäge Geofänni tikşerenülär üzäge mäğlümatlarına kürä, cir teträw 181 çaqrım tiränlektä terkälde.

Berençe ülçäwlärdä 5,9 ball dip iğlan itelgän cir teträwneñ zurlığı soñraq 5,8 ballğa üzgärtelde.

Zilzilä Qabul belän bergä Paqıstan başqalası İslamabad, Xäyber Pahtunhva ölkäse häm Gilgit-Baltistan töbägendä dä xis itelde.

Cir teträw şulay uq Hindstan idaräsendäge Käşmirdä dä toyıldı.

Paqıstan Meteorologiya idaräse cir teträwneñ zurlığın başta 6,1 ball dip açıqladı.

Äfğanstannıñ könçığışında uzğan yılnıñ avgust ayında 2200dän artıq keşeneñ ğomeren özgän, yaqınça 4000 keşeneñ yaralanuına säbäpçe bulğan zilzilä barlıqqa kilgän ide.

Noyabr' ayında isä 6,3 ball zurlığındağı tağın ber cir teträwdä kim digändä 20 keşe ülde häm yaqınça 1000 keşe yaralandı.