Kolumbiyädä mäktäp avtobusı hälakätkä oçrağan

Gubernator süzlärenä qarağanda, Kolumbiyäneñ tön’yağındağı awıl cirlegendä uquçılarnı alıp baruçı avtobus upqınğa kilep töşü näticäsendä 17 keşe hälaq bulğan, 20 keşe cäräxätlängän.

Antiokiya gubernatorı Andres Djulian Antiokiya liśeyıı uquçıların yörtüçe avtobusnıñ mäktäp säyäxätennän soñ Karib diñgeze qasabası Toludan Medel’inğa baruın, uquçılarnıñ plyajda çığarılış kiçälären bäyräm itülären äytkän.

“Bu dekabr’ ayında böten cämğıyät’ öçen bik awır xäbär”,- di gubernator.  

Qotqaru törkemnäre isän qalğan keşelärne nosilkalar belän çığarğannar.

İlbaşı Gustavo Petro X platformasında qayğı urtaqlaşıp bolay dip yazdı: Miña yäş’lärneñ ülüe oşamıy. Ayıruça bu alar däres äzerlägändä yäki räxätlänep yal itkändä bula ikän…”