İran mediası xäbär itkänçä, yäkşämbe könne AQŞ häm İzrail hawa höcümnäre waqıtında Tährannıñ tön’yağındağı Gandi xastaxanäse utqa totıldı.

Däwlät televideniyese watılğan täräzälärne häm xastaxanä fasadınıñ qayber öleşlärendä barlıqqa kilgän zıyannı kürsätte.
Höcümnän soñ xastaxanä tiräsendä iminlek çaraları köçäytelde häm sälamätlek xezmätkärläre bina êçendä tikşerülär ütkärde.

Kadrlarda şäfqat’ tutaşlarınıñ yaña tuğan bäbilärne xastaxanädän êvakuaśiyäläwläre häm alarnı başqa urınğa küçerüläre kürenä.

Êlegräk İran “Qızılay”ı üzläreneñ üzäk binasına häm berniçä xastaxanägä höcümnärne kürsätkän videolarnı urtaqlaşqan ide.

AQŞ häm İzrail şimbä könne İranğa qarşı höcüm başladılar; älege höcümdä İrannıñ dini liderı Ali Xamänäyi häm berniçä yuğarı däräcäle İran citäkçese üterelde.

İran isä İzrailgä AQŞ aktivların häm berniçä Farsı qultığı däwlätlären maqsat itep alğan berniçä dron häm raketa höcüme belän cawap qaytardı.  

İzrail häm AQŞ uzğan yılnıñ iyünendä İranğa şundıy uq höcüm  oyıştırğan häm bu höcüm  12 kön däwam itkän suğışqa kitergän ide.